Afyonda cənazə mərasiminə qatılan zaman Qərbi Nil virusu daşıyan ağcaqanad tərəfindən dişlənən 1,5 yaşlı Mehmet Emir Özbakanın həyatı bir anda dəyişib.
E-saglam.az xəbər verir ki,sağlam və aktiv uşaq olan Mehmet Emir, dişləmədən sonra yataq xəstəsinə çevrilib.
Hazırda 8 yaşında olan uşaq illərlə davam edən müalicə və fizioterapiya nəticəsində müəyyən irəliləyişlər əldə edib. Artıq boru ilə qidalanmır, bir qədər hərəkət edə bilir və ətrafını dərk etməyə başlayıb.
Fizioterapevt Cəmil Karadağ bu halın çox nadir olduğunu, 20 illik karyerasında ikinci dəfə belə bir hadisə ilə qarşılaşdığını bildirib. Mehmet Emirdə ensefalit (beyin iltihabı) inkişaf edib və beyin hərəkət mərkəzi zədələnib.
Tərcümə: Könül Oruc
