Alkoqol və elektron siqaretin xərçəngə səbəb olduğu barədə fikirlər var.
E-saglam.az xəbər verir ki, onkoloq Aleksandr Jaqaşev endokrinoloq Maksim Kuznetsovun YouTube kanalına verdiyi müsahibədə bu pis vərdişlər səbəbindən bu xəstəliyin inkişaf riskini qiymətləndirdi.
Jaqaşevin izah etdiyi kimi, elektron siqaretlər və oxşar cihazlar nisbətən yaxınlarda ortaya çıxdı və buna görə də mütəxəssislər onları hələ çox yaxşı öyrənməyiblər. "Bununla belə, elektron siqaretlərin xərçəng riskini artırdığını göstərən araşdırmalar artıq dərc olunub, çünki tərkibində kanserogenlər var", - həkim vurğulayıb.
Alkoqollu içkilərə gəlincə, həkimin fikrincə, cavab aydındır - bu, xərçəngin inkişaf riskini artırır. "Fakt budur ki, spirtli içkilərin emalı məhsulu kanserogen kimi tanınan asetaldehiddir. Üstəlik, alkoqol eyni vaxtda bir neçə növ xərçənglə, o cümlədən təmasda olduğu orqanlarla əlaqələndirilir", - deyə Jaqaşev yekunlaşdırıb.
Tərcümə: Könül Oruc
