Normal yuxu rejimi sağlamlığımız üçün vacibdir.
Bu sözləri E-saglam.az-a açıqlamasında qida mühəndisi, nutrisioloq Fərid Səfərov deyib.
Onun sözlərinə görə, daha yaxşı yuxu üçün 6 sadə üsul var:
Günortadan sonra qəhvə içməyin. Qəhvə orqanizmdən minimum 5-6 saat sonra sovrulmağa başlayır.
- Çalışın, gün ərzində 20-30 dəqiqə idman edin. Bu yuxu problemi olanlar üçün ən vacib tövsiyədir.
- Hər gün mütləq günəş işığı qəbul edin. Açıq havada olmaq yuxu üçün faydalıdır, immun sistemini gücləndirir, enerjini artırır, yüksək təzyiqi aşağı salır.
- Lazımi qədər maqnezium qəbul edin. Bu mineral yuxunu tənzimləyən bioloji prosesdə əsas rol oynayır.
- Yatmağa yaxın bütün elektronik cihazlardan uzaqlaşın. Mavi işığa məruz qalmaq beynindəki epifiz vəzi tərəfindən ifraz olunan melatonin hormonunu azaldır.
- Yuxuya getmək üçün ən yaxşı temperatur 18C°- 21C°-dir.
