Yataq böcəkləri çox bezdirici parazitlərdir, onlardan qurtulmaq çox çətindir. Çikaqo dermatoloqu Danilo Del Campo evinizdə bu böcəklərə necə nəzarət edəcəyinizi bölüşür.
E-saglam.az xəbər verir ki, çox vaxt insanlar tətildən yataq böcəyi gətirirlər.
Mütəxəssis zərərvericilərdən qorunmaq üçün aşağıdakı tövsiyələri verdi.
Baqajınızı kənara qoyun. Yaşayış yerinizə çatdığınız zaman baqajınızı vanna otağı kimi kirəmitli bir yerə qoyun və hərtərəfli yoxlama aparın.
Mebelləri yoxlayın . Döşəmə yataq böcəkləri üçün sevimli gizlənmə yeridir. Yataq dəstlərinizi, döşəklərinizi, başlıqlarınızı və bütün parça ilə örtülmüş mebelləri paslı və ya qırmızı ləkələrə, kiçik qara nöqtələrə və alma toxumu boyda ağımtıl, oval yumurtalara görə diqqətlə yoxlayın.
Otağı yoxlayın. Şkafların içərisini, divar kağızı və otaqların künclərini diqqətlə yoxlayın.
Evə gəldikdən sonra yenidən yoxlamağın vaxtı gəldi. Baqajınızı və onun içindəkiləri, o cümlədən paltarınızın tikişlərini diqqətlə yoxlamaq üçün fənərdən istifadə edin. Yataq böcəklərinin əlamətlərini tapsanız, çamaşırlarınızı yüksək temperaturda yuyun və baqajınızı əl buxarlayıcı ilə təmizləyin, dermatoloq tövsiyə edir.
Tərcümə: Könül Oruc
