Kifayət qədər yuxu almaq üçün gündə neçə saat yatmaq lazımdır?
E-saglam.az-ın xəbərinə görə, bu barədə rusiyalı nevroloq Vladimir Martınov "RIA Novosti"yə müsahibəsində danışıb.
Mütəxəssis qeyd edib ki, böyük insanın kifayət qədər yuxu alması üçün yeddi-doqquz saat tələb olunur. İstisna hallarda insanlar altı saat ərzində kifayət qədər yuxu ala bilirlər.
"Bəzi insanlar altı saat ərzində zəruri qədər yatmağı bacarırlar ki, bu da istisna haldır", - deyə V.Martınov bildirib.
Nevroloq xəbərdarlıq edib ki, xroniki yuxu çatışmazlığı diqqətin konsentrasiyası, həddindən artıq yorğunluq və immunitet sisteminin pisləşməsi ilə bağlı ciddi problemlərə gətirib çıxara bilər.(oxu.az)
