Onkoloji xəstəliklərdən əziyyət çəkənlər arasında sağalma halları əvvəlki illərlə müqayisədə çoxalıb.
E-saglam.az xəbər verir ki, bu barədə Azərtac-a Səhiyyə Nazirliyinin baş onkoloqu Azad Kərimli danışıb.
Baş onkoloq bildirib ki, indi onkoloji xəstəlik diaqnozu qoyulanlar daha uzun ömür sürə bilirlər:
“Əsas səbəb xəstəliklərin vaxtında aşkarlanması və müalicə zamanı müasir dərman preparatlarından istifadə edilməsidir. Bütün bunlara baxmayaraq, dünyada olduğu kimi, Azərbaycanda da xərçəng xəstəliyinə tutulanların sayı artmaqdadır. Lakin onu da qeyd etmək lazımdır ki, COVID-19 pandemiyası onkoloji xəstələrin sayının artmasına səbəb olan amillərdən deyil”.
