Pəhriz və idmana baxmayaraq arıqlaya bilmirsinizsə, səbəbi “möcüzəvi diet” və ya "arıqlama dərmanlarında” axtarmayın. Həkim müayinəsindən keçin, çünki bu vəziyyətin arxasında sağlamlıq problemləri dayana bilər.
E-saglam.az xəbər verir ki, tiroid vəz xəstəlikləri: Tiroid hormonlarının az ifrazı metabolizmanın yavaşlamasına səbəb olur. Bu hal hipotiroidizm adlanır və arıqlamağı çətinləşdirir.
Hormon pozğunluqları: İştahanı azaldan leptin hormonunun çatışmazlığı və ya bədənin bu hormona qarşı həssaslığının azalması iştahanın artmasına və kilo yığılmasına gətirib çıxarır.
Polikistik yumurtalıq sindromu: Qadınlarda rast gəlinən bu hormonal problem aybaşı pozğunluğu, tükənmə və artıq çəki ilə özünü göstərir.
Böyrəküstü vəz xəstəlikləri: Kortizol hormonunun artması ilə yaranan Kuşinq sindromu bədəndə, xüsusilə qarın və üz nahiyəsində yağlanmaya səbəb olur.
Ətraf mühit amilləri: Kortizon və bəzi psixoloji dərmanlar, az hərəkətli həyat tərzi və yanlış qidalanma da arıqlamanın qarşısını ala bilər.
Yuxu apnesi: Gecə nəfəsin dayanması ilə müşahidə olunan bu vəziyyətdə yağ yandıran hormonların ifrazı azalır və bədəndə yağ toplanır.
İnsulin dirənci: İnsulin hormonunun təsiri azaldıqda bədəndə şəkər balansı pozulur, aclıq hissi artır və çəki yığılır. Zamanla gizli şəkər və tip 2 diabet inkişaf edə bilər.
Mütəxəssislər tövsiyə edir ki, arıqlaya bilməyən şəxslər mütləq qan analizləri və hormonal müayinə etdirsinlər. Əsas xəstəlik müalicə olunmadan çəki vermək çətin ola bilər.
Tərcümə: Nəzrin Abbas
