Braziliyada həkimlər iki yaşlı qız uşağı Melinda Paula Lima Machado-da nadir genetik xəstəlik – Prader-Willi sindromu aşkarlayıblar.
E-saglam.az xəbər verir ki, bu xəstəlik davamlı aclıq hissi və çəki artımı ilə müşahidə olunur. Məlumatı “Terra” nəşri yayıb.
Uşağın valideynləri onun daim yemək istəməsindən narahat olublar. Onlar bildiriblər ki, Melinda hər yeməkdən az sonra yenidən qida tələb edir. Qısa müddətdə onun çəkisi 15 kiloqramı keçib.
Həkimlər uşağın vəziyyətini sabitləşdirmək üçün qidalanmaya ciddi nəzarət və fizioterapiya təyin ediblər. Mütəxəssislər qeyd edirlər ki, bu xəstəlik inkişafda ləngimə, əzələ zəifliyi və hormonal pozğunluqlarla da müşahidə oluna bilər.
Qızın anasının sözlərinə görə, Prader-Willi sindromunda aclıq hissi adətən dörd yaşından sonra daha da güclənir və bu, xəstəliyin idarə olunmasını çətinləşdirir.
Tərcümə: Nəzrin Abbas
