Bananın qabığında qaralma meydana gələndə çoxları bunun zərərli olduğunu düşünür. Lakin əslində, qaralmış banan sağlamlıq üçün müəyyən faydalar da daşıyır
E-saglam.az xəbər verir ki, banan qaraldıqca içindəki nişasta şəkərə çevrilir və bu səbəbdən daha şirin və enerjili olur. Bu, bədənə sürətli enerji verə bilər.
Bundan başqa, qaralmış bananlarda antioksidant maddələrin səviyyəsi artır. Antioksidantlar sərbəst radikallarla mübarizə apararaq hüceyrələri qoruyur və immun sistemini gücləndirir. Həmçinin, bu bananlar tərkibində triptofan adlı amin turşusu saxlayır ki, bu da beyində serotonin hormonunun istehsalını artıraraq əhval-ruhiyyəni yaxşılaşdırmağa kömək edir.
Ancaq şəkər miqdarı yüksək olduğu üçün şəkər xəstələri və qan şəkərini idarə etməkdə çətinlik çəkənlər qaralmış bananı ehtiyatla yeməlidirlər. Ümumilikdə isə sağlam insanlarda qaralmış banan həm enerji mənbəyi, həm də immunitet üçün faydalı sayılır.
Nəticə olaraq, qaralmış banan zərərli deyil, əksinə bəzi faydaları vardır, lakin xüsusilə şəkər xəstələri üçün istehlakında diqqət vacibdir.
Tərcümə: Könül Oruc
