Bəzi xəstəliklər simptomları və təzahürləri ilə xərçəngə bənzəyir.
E-saglam.az xəbər verir ki, onkoloq Yevgeni Çeremuşkin “Veçernyaya Moskva” qəzetinə müsahibəsində həkimlərin onkoloji xəstəliklərdən hansı xəstəlikləri çətin ayırdığını deyib.
Onkoloqun sözlərinə görə, proliferativ infeksiyalar çox vaxt xərçənglə səhv salınır. Fakt budur ki, onlar açıq bir iltihabla baş verir, buna cavab olaraq immunitet sisteminin hüceyrələri sürətlə bölünməyə başlayır. Həkim bildirib ki, bu hüceyrələrin toplandığı sahə xərçənglə səhv salına bilər.
Həmçinin, mütəxəssisin fikrincə, oxşar klinik mənzərəyə görə limfa sisteminin müxtəlif xəstəlikləri xərçənglə qarışdırıla bilər.
Həkimlər şəkillərdəki tünd ləkələrdən də ehtiyat edirlər, baxmayaraq ki, onların səbəbləri çox vaxt onkoloji xəstəliklərlə əlaqəli deyil. Məsələn, qaraciyərdə qaranlıq bölgələr hepatit B və C, böyrəklərdə isə daşlar səbəbindən görünə bilər.
Tərcümə: Könül Oruc
