Yeni bir Norveç araşdırması göstərir ki, gündə orta hesabla 78 dəqiqədən çox yeriyən fərdlərin xroniki bel ağrısı inkişaf riski əhəmiyyətli dərəcədə aşağıdır. Və bu gəzintilərin sürətli olması lazım deyil, yavaş, yavaş gəzmək də kifayətdir.
E-saglam.az-ın məlumatına görə, kürək ağrısı bütün dünyada əlilliyin əsas səbəblərindən biri hesab olunur. Bununla belə, həll bahalı erqonomik stullar deyil, sadə bir məşq ola bilər: gəzinti.
Gündə 100 dəqiqə gəzmək riski 23 faiz azaldır
Norveç Elm və Texnologiya Universitetinin tədqiqatçıları 11 000-dən çox böyüklərin sağlamlıq məlumatlarını təhlil ediblər. İştirakçılar nə qədər məsafəni və hansı sürətlə getdiklərini izləmək üçün budlarına və bellərinə taxılan akselerometrlərdən istifadə edərək bir həftə vaxt sərf ediblər.
78 ilə 100 dəqiqə arasında yeriyənlərin xroniki bel ağrısı riski gündə 78 dəqiqədən az yeriyənlərə nisbətən 13 faiz azdır.
Gündə 100 dəqiqədən çox gəzənlər üçün bu risk yüzdə 23-ə yüksəlib.
Gəzinti sürəti də faydalı görünsə də, tədqiqat qrupu ümumi gəzinti vaxtının gediş intensivliyindən daha həlledici olduğunu vurğulayır.
Tədqiqatın aparıcı müəllifi, sağlamlıq alimi Rayane Haddadj, "Nəticələrimiz göstərir ki, bel ağrısı riskini azaltmaq üçün gündəlik yerimə vaxtı gəzinti sürətindən daha vacibdir".
Hərəkətsizlik çağında sadə həll yolu: Gəzinti
Müasir həyatın oturaq həyat tərzi bel ağrıları da daxil olmaqla bir çox sağlamlıq problemlərinə səbəb olur.
Bununla belə, gəzinti təkcə bel ağrılarının qarşısını almır; o, həmçinin beyin sağlamlığını dəstəkləyir, ürək xəstəliyi riskini azaldır, yaradıcılığı artırır və ömrünü uzadır.
Tədqiqatçılar bildirirlər ki, bu nəticələr sağlamlıq siyasətlərində yerimənin təşviq edilməsi lazım olduğunu göstərir.
Gəzinti həm həyata keçirilməsi asan, həm də qənaətcil olan profilaktik sağlamlıq strategiyası ola bilər.
Tərcümə: Könül Oruc
