Kardioloq Nataliya Şipitsina ürək və damar sağlamlığı ilə bağlı geniş yayılmış bəzi yanlış inancları şərh edib.
E-saglam.az xəbər verir ki, onun fikirlərini "aif.ru" nəşri yayıb.
Şipitsina ilk olaraq kiçik miqdarda qırmızı şərabın ürəyə xeyirli olması ilə bağlı inancı təkzib edib. O bildirib ki, hətta az miqdarda spirt belə orqanizmə mənfi təsir göstərir, arterial təzyiqi yüksəldir, aritmiya və insult riskini artırır.
İkinci geniş yayılmış mif isə yumurtanın zərərli olması ilə bağlıdır. Həkim vurğulayıb ki, yumurta ürək və damarlar üçün təhlükəli deyil və sağlam insanlara bu məhsulu qorxmadan yemək olar. Bununla belə, ürək-damar problemi olanlara gündə bir ədəd yumurtadan çox yeməmək tövsiyə olunur.
Kardioloq əlavə edib ki, ürək xəstəlikləri təkcə artıq çəkili insanlarda deyil, arıq bədən quruluşuna malik şəxslərdə də rast gəlinir. "Stress, siqaret çəkmə, şəkərli diabet və genetik meyillilik – bunlar da əsas risk faktorlarıdır. Çəki yalnız bir amildir", – deyə həkim qeyd edib.
Tərcümə: Könül Oruc
