Masallı Rayon Mərkəzi Xəstəxanasına yeni uşaq cərrahı təyin olunub.
E-saglam.az xəbər verir ki, bu vəzifəyə tanınmış həkim Məzahir Müzəffərov təyinat alıb.
O, ötən aydan xəstəxanada yeni vəzifəsinin icrasına başlayıb.
Qeyd edək ki, 37 yaşlı Məzahir Müzəffərov 2005-2011-ci illərdə Azərbaycan Tibb Universitetinin Müalicə işi fakültəsini, 2011-2016-cı illərdə Azərbaycan Tibb Universitetinin Uşaq cərrahiyyəsi kafedrasında rezidenturanı bitirib.
O, 2011-2014-cü illərdə 1 Saylı Şəhər Klinik Xəstəxanasında, 2014-2015-ci illərdə Türkiyə Cümhuriyyəti Çukurova Universiteti Balcalı Xəstəxanası Uşaq Cərrahiyyəsi şöbəsində, 2015-2016-cı illərdə Azərbaycan Tibb Universitetinin Tədris Cərrahiyyə klinikasının Uşaq cərrahiyyəsi şöbəsində, 2016-2018-ci illərdə “Grand Hospital”da, 2016-2019-cu illərdə Sumqayıt şəhər 2 nömrəli Uşaq Poliklinikasında, 2018-2019-cu illərdə “Medistyle Hospital”da uşaq cərrahı kimi çalışıb.
İqtisadiyyat.az
