Mikroblar üçün ideal şərait: Yataq otağında edilən səhv vərdiş

Ümumi praktikant və yuxu mütəxəssisi Sita Şah insanları yayda oyandıqdan dərhal sonra çarpayılarını yığmamağa çağırıb.

E-saglam.az xəbər verir ki, o, "Metro"ya yataq otağında istinin gözə görünməyən təhlükələrindən danışıb.

Şah izah etdi ki, yatağınızı səhər ilk iş etmək vərdişiniz yataq dəstinizdə göbələklərin və mikroorqanizmlərin böyüməsini təşviq edə bilər. "Gecədə tər və mikroskopik dəri hissəcikləri onların üzərinə düşür, çünki vücudunuz istilik əmələ gətirir. Bu təsir isti havada güclənir", - deyə xəbərdarlıq etdi.

Həkim deyir ki, yatağınızı dərhal düzəltmək yorğan altında mikrobların və allergenlərin böyüməsi üçün ideal olan isti, nəmli bir mühit yaradır: "Bunun baş verməməsi üçün hava və işığın artıq nəmi qurutmasına icazə verin. Yorğan örtüyü və ya çarşafı çarpayının ayağında qatlanmış vəziyyətdə qoyun, pəncərələri açın, yataq otağını havalandırın və 30-60 dəqiqə gözləyin".

Bundan əlavə, somnoloq təbii parçalardan hazırlanmış çarpayılardan istifadə etməyi məsləhət görüb, çünki o, nəmi daha yaxşı udur: "Ən azı həftədə bir dəfə yuyulmalıdır".

Tərcümə: Könül Oruc

E-saglam.az