Stanford Tibb Mərkəzinin alimləri aşkar ediblər ki, orqanizmdə çoxlu molekul və mikroorqanizmlərin sayı iki xüsusi vaxtda - 44 və 60 yaşlarında kəskin şəkildə artır və ya azalır.
E-saglam.az xəbər verir ki, mütəxəssislər 25-75 yaşlı insanlarda qocalma prosesində iştirak edən minlərlə müxtəlif molekulları, həmçinin onların mikrobiomlarını - içimizdə və dərimizdə yaşayan bakteriya, virus və göbələkləri qiymətləndiriblər. Məlum oldu ki, molekulların və mikrobların 81%-i tədricən, xronoloji ardıcıllıqla dəyişmir - orqanizm həyatı boyu iki sürətli dəyişiklik dövrü keçir.
“Nature Aging” jurnalında dərc edilən araşdırmaya görə, 44-60 yaş arasında ürək-damar xəstəlikləri ilə əlaqəli molekulların miqdarı əhəmiyyətli dərəcədə dəyişir və 60 yaş ətrafında olan insanlarda immun funksiyası ilə əlaqəli molekullar dəyişir.
Tərcümə: Könül Oruc
