Avropalı alimlər müəyyən ediblər ki, gec səhər yeməyi və gec axşam yeməyi ürək-damar xəstəliyi (CVD) riskini artıra bilər.
E-saglam.az xəbər verir ki, tədqiqat "Nature Communications" jurnalında dərc olunub.
Mütəxəssislər 103 389 nəfərin sağlamlıq məlumatlarını araşdırıblar. Məlum olub ki, səhər yeməyini hər saat gecikdirən KVH inkişaf riskini 6% artırır. Məsələn, bir nəfər səhər yeddidə, digəri isə səhər 10-da səhər yeməyi yeyirsə, ikinci adamın həyatı boyu KVH inkişaf etmə ehtimalı 18% yüksək olacaq.
Gec yemək də sağlamlığa mənfi təsir göstərir. Tədqiqat göstərib ki, axşam saat 9-dan sonra yemək, iflic və beyin anevrizması kimi serebrovaskulyar xəstəliklərin inkişaf riskini axşam səkkizdən əvvəl yeməklə müqayisədə 28% artırır.
Daxili bioloji saatımız, həzmimiz və qida maddələrinin udulması arasında əlaqə var. Bədənimizin sirkadiyalı ritmləri – onun təbii gündəlik dövrü – gündüz yemək və gecə yatmaq üçün nəzərdə tutulub. Əgər onlar pozularsa, bu, ürək sağlamlığımız üçün nəticələrə səbəb ola bilər.
Tərcümə: Könül Oruc
