Əgər gecələr yata bilmirsinizsə, səbəb düşündüyünüzdən fərqli ola bilər. Çin alimlərinin apardığı geniş araşdırma göstərib ki, yuxusuzluğun əsas səbəbi bağırsaq sağlamlığı ilə bağlı ola bilər.
E-saglam.az-ın məlumatına görə, yuxusuzluq milyonlarla insanın həyat keyfiyyətinə ciddi təsir edən müasir dövrün ən çox yayılan sağlamlıq problemlərindən biridir. Tədqiqat 386 533 iştirakçı üzərində aparılıb və nəticələr göstərib ki, bağırsaqlarında zərərli bakteriyaların yüksək konsentrasiyası olan insanlarda yuxusuzluq riski əhəmiyyətli dərəcədə artır.
Mütəxəssislər bildirirlər ki, bağırsaq florası ilə beyin arasında "bağırsaq-beyin oxu" adlanan bioloji əlaqə mövcuddur. Zərərli bakteriyaların çoxalması bu tarazlığı pozaraq yuxuya keçidi çətinləşdirir və yuxu keyfiyyətini azaldır. Çinli alimlər qeyd edirlər: "Bağırsağın sağlamlığı əhval-ruhiyyəyə və yuxu rejiminə əvvəllər düşünüləndən daha çox təsir edir. Zərərli bakteriyaların balanssızlığı beynin yuxuya keçid siqnallarını poza bilər."
Araşdırma göstərir ki, sidikdən sonra gigiyena qaydalarına riayət etməmək, qeyri-kafi lif istehlakı, həddindən artıq işlənmiş qidalar və lazımsız antibiotik istifadəsi bağırsaq florasına mənfi təsir göstərən əsas amillərdəndir. Bu səhvlər zərərli bakteriyaların çoxalmasına və nəticədə yuxusuzluğa səbəb ola bilər.
Yuxu keyfiyyətinizi artırmaq üçün tövsiyələr
Alimlər bağırsaq sağlamlığını qoruyaraq yuxu keyfiyyətini yaxşılaşdırmaq üçün aşağıdakı addımları tövsiyə edirlər:
-
Lif qəbulunu artırın: tərəvəz, meyvə, tam taxıl məhsulları.
-
Probiyotik qidalardan istifadə edin: qatıq, kefir, turşu.
-
İşlənmiş qidalar və rafinə şəkərdən uzaq durun.
-
Lazımsız antibiotik istifadəsindən çəkinin.
-
Qazadan sonrakı gigiyenaya diqqət yetirin.
Alimlər vurğulayırlar ki, bağırsaq sağlamlığı yalnız həzm sistemi üçün deyil, həm də zehni tarazlıq və keyfiyyətli yuxu üçün həyati əhəmiyyət daşıyır. Belə çıxır ki, yuxusuzluğun həlli yatağınızda yox, bağırsaqlarınızda başlayır.
Tərcümə: Könül Oruc
