“Pfizer” COVID peyvəndinin üçüncü dozasının vacibliyini bəyan edib
Dünyanın koronavirusa qarşı aparıcı peyvənd istehsalçılarından biri olan “Pfizer” şirkəti vaksinin üçüncü dozasının vacibliyi barədə ABŞ hökumətinə xəbərdarlıq etməyə hazırlaşır.
E-saglam.az xəbər verir ki, bu barədə “The Washington Post” məlumat verib.
Məlumata görə, şirkətin ekspertləri peyvəndin üçüncü dozasının COVID-ə qarşı daha dayanıqlı immuniteti təmin etmək üçün lazım olduğunu bəyan edirlər.
Şirkət təmsilçilərinin sözlərinə görə, ikincidən altı ay sonra vurulması tövsiyyə olunan üçüncü doza sayəsində qandakı anticisimlər 5-10 dəfə artır ki, bu da virusun yeni ştamlarına qarşı orqanizmin dözümlülüyünü xeyli artırır./medicina.az/
