ABŞ-də həyata keçirilən çətin və riskli cərrahiyyə əməliyyatı tibb dünyasında yeni səhifə açıb.
E-saglam.az xəbər verir ki, həkimlər xəstənin gözündən girərək onurğa sütununa yaxın ərazidə yerləşən bədxassəli şişi çıxarmağa nail olublar.
Əməliyyata rəhbərlik edən neyrocərrah Dr. Labib bu prosedurun nə qədər təhlükəli olduğunu vurğulayıb:
"Şiş beyin sapı, onurğa və əsas qan damarlarına çox yaxın idi. Kiçik bir səhv iflicə və ya ölümə səbəb ola bilərdi. Amma əməliyyat edilməsəydi, şiş böyüyəcək, sinir sisteminə daha çox təzyiq göstərəcək və nəticə qaçılmaz olacaqdı".
"Bu şişlərin təkrar yaranma ehtimalı yüksəkdir. Bu səbəbdən biz beyin cərrahiyyəsi, üz rekonstruksiyası və radioterapiyanı əhatə edən çoxşaxəli müalicə protokolu tətbiq edirik".
Əməliyyatdan sonra xəstəyə radiasiya müalicəsi də verilib. Bu uğurlu müdaxilə tibb sahəsində gələcək müalicə üsullarına ilham verə bilər.
Milli.az
