Uroloq-androloq Andrey Smernitski bildirib ki, klinik praktikada kişilərin sidik kanalına düşmüş müxtəlif yad cisimlərin çıxarılması halları ilə rastlaşmaq mümkündür.
E-saglam.az xəbər verir ki, o, bu cür vəziyyətlərin nadir olmadığını və bəzi hallarda olduqca qeyri-adi əşyaların aşkar edildiyini qeyd edib.
Həkimin sözlərinə görə, ən çox rast gəlinən hallar arasında termometr və toxuculuq iynəsi kimi uzunsov əşyalar yer alır. Daha nadir hallarda isə rəsm qələmi, rəngli karandaş, tikiş iynəsi, toxuculuq qarmağı və manikür üçün taxta çubuq kimi predmetlər aşkar edilib.
Mütəxəssis vurğulayıb ki, bu kimi hallar həm tibbi risk yaradır, həm də ciddi fəsadlara səbəb ola bilər. O, belə vəziyyətlərin təxirəsalınmaz tibbi müdaxilə tələb etdiyini bildirib.
