Depressiyaya düşən insanlar həyatları ilə bağlı xüsusi anları xatırlamaqda çətinlik çəkirlər. Araşdırma göstərir ki, “ətir terapiyası” onlara avtobioqrafik xatirələri yada salmağa kömək edə bilər.
E-saglam.az Live Science saytına istinadla xəbər verir ki, tədqiqata yüksək depressiv pozğunluğu olan 32 nəfər cəlb olunub. Onlara xüsusi xatirələri yada salmaq üçün qəhvə torfları və portağal kimi tanış qoxular iylədilib. Alimlər ətri duyan pasientlərin xatirələri daha dəqiqliklə yada saldıqlarını müəyyən ediblər.
Tədqiqat zamanı ətirlərin emosional xatirələrə unikal şəkildə təsir göstərdiyi məlum olub. Pittsburq Universitetinin psixiatriya kafedrasının dosenti Kimberli Youngun sözlərinə görə, bu yolla yaddaşın bərpası depressiyaya uğrayan insanların tez-tez qarşılaşdığı digər funksional problemləri də həll etməyə imkan verə bilər.
Tədqiqat iştirakçılarından şüşə qablardakı 24 qoxu nümunəsini iyləmələri və sonra onları sözlə təsvir etmələri istənilib. Qoxular lavanda, zirə, viski, öskürək siropu və ayaqqabı boyası da daxil olmaqla, geniş çeşidi əhatə edib. Tədqiqat zamanı ətirlərin daha həyəcanlı anları xatırlamağa kömək etdiyi aşkarlanıb.
Tərcümə: AZƏRTAC
