"Təyyarədə səfər zamanı şəxslərin meymunçiçəyinə yoluxması ehtimalı sıfıra bərabərdir".
E-saglam.az xəbər verir ki, bu məlumat Oxu.Az-ın sorğusuna cavab olaraq Səhiyyə Nazirliyi Respublika Gigiyena və Epidemiologiya Mərkəzindən verilib.
"Meymunçiçəyi çox yaxın təmas - cinsi yol və ya bir açıq yara ilə digər açıq yaranın təması zamanı yayıla bilər. Bu səbəbdən də meymunçiçəyinə yoluxmuş şəxslə eyni təyyarədə Azərbaycana qayıdan digər şəxslərin yoluxması ehtimalı sıfıra bərabərdir",- deyə açıqlamada vurğulanır.
