Azərbaycanda süni mayalanma dövlət vəsaiti hesabına olacaq.
“Ailələrə süni mayalanma ilə bağlı dövlət hesabına bir dəfə şans veriləcək”.
E-saglam.az-ın məlumatına əsasən, bunu parlamentin plenar iclasında Milli Məclisin Səhiyyə komitəsinin sədri Əhliman Əmiraslanov deyib.
“Sonsuzluq probleminin icbari tibbi sığorta hesabına həll edilməsinə baxılması gözlənilir”, - deyə deputat bildirib.
Onun sözlərinə görə, növbəti ildən onkoloji və oftalmoloji xəstəliklər də icbari tibbi sığorta çərçivəsində qarşılanacaq.
Əhliman Əmiraslanov qeyd edib ki, bu istiqamətdə müzakirələr aparılır.
Mənbə: Oxu.Az
