Tayvanda bir kişi sərxoş olarkən göz bəbəyinə təzyiq yaradan vəziyyətdə yuxuya gedib. Adam üç saat eyni vəziyyətdə qalıb və qismən kor olub. Mütəxəssislər bildiriblər ki, kişinin sağalması prosesi 4 aya qədər çəkə bilər.
E-saglam.az xəbər verir ki, kişi gecə yuxu dərmanı içdiyini və üç saat göz bəbəyinə təzyiq yaradan vəziyyətdə yatdığını, üç gün ağrı və korluq hiss etdikdən sonra təcili yardıma getdiyini bildirib.
Həkimin müayinəsi zamanı sol göz bəbəyi işığa reaksiya verməyib və heç bir hərəkət göstərməyib.
Həkimlər müəyyən ediblər ki, gözün şəffaf səthinin düz altında yerləşən subkonyunktiv qan damarları gözə tətbiq olunan təzyiq nəticəsində partlayıb.
Bu, göz ətrafındakı toxumanın şişməsinə və qanamasına səbəb oldu.
Xəstəyə işemik optik neyropatiya (İON) və xoroidopatiya diaqnozu qoyuldu.
Gözün görməsinin bərpa olunması 4 ay çəkə bilər
İşemik optik neyropatiya gözün optik sinirinə qan düzgün axmadığı zaman baş verir.
Bu, gözlərdən beyinə siqnalların ötürülməsindən və gördüyünüz görüntülərə çevrilməsindən məsul olan bu sinirin qalıcı zədələnməsinə səbəb ola bilər.
Neyropatiya nəticəsində yaranan zədələr adətən daimi görmə itkisi ilə nəticələnir, lakin İON olan insanlar hələ də bəzi periferik görmə qabiliyyətini saxlaya bilərlər.
Alkoqol istifadəsi ilə əlaqəli olduğu üçün bu vəziyyət "Şənbə gecəsi retinopatiya" adlanır.
Xoroidopatiya, görmə məlumatlarını beynə göndərən daxili gözün arxa hissəsi olan retinanın altında mayenin yığılmasına səbəb olur.
Simptomlara obyektlərin daha kiçik və ya daha uzaq görünməsi, görmə mərkəzində tutqun və bulanıq kor nöqtə və düz xətlərin təhrif edilməsi daxil ola bilər.
Mütəxəssislər bildirib ki, bu vəziyyətdə xəstələr qəzadan dörd ay sonra görmə qabiliyyətini bərpa edirlər.
Tərcümə etdi: Könül Oruc
