Bostondakı Massaçusets Ümumi Xəstəxanasının cərrahları dünyada ilk dəfə olaraq geni dəyişdirilmiş donuzun böyrəyini canlı insana uğurla köçürüblər.
E-saglam.az xəbər verir ki, bu barədə “Boston Globe” məlumat yayıb.
Bildirilib ki, böyrək xəstəliyinin terminal mərhələsində olan Massaçusets ştatının Veymut şəhərindən olan 62 yaşlı Riçard Slaymanın əməliyyat müddəti dörd saat çəkib.
Xəstəxananın məlumatına görə, xəstə sağalır və tezliklə evə buraxılacaq.
Transplantasiyadakı bu irəliləyiş sayəsində orqan dəyişdirilməsinə ehtiyacı olan xəstələrin gələcəkdə onları xüsusi yetişdirilmiş geni dəyişdirilmiş donuzlardan qəbul edə biləcəkləri gözlənilir.
