Yüksək qan şəkəri qan damarlarının zədələnməsinə səbəb olur və bu da ciddi sağlamlıq problemlərinə səbəb olur. Bununla belə, ABŞ-dakı Klivlend Klinikasından diabet mütəxəssisi Şennon Knappın fikrincə, yeməkdən sonra sadə bir vərdiş müvafiq rəqəmlərin artımını ləngidə bilər.
E-saglam.az xəbər verir ki, söhbət qısa gəzintilərdən gedir. Tədqiqatlar göstərir ki, cəmi iki-beş dəqiqəlik gəzinti qan şəkərinin səviyyəsini bir qədər aşağı sala bilər.
Şannon Knapp deyir ki, idman bir neçə dəqiqə ərzində qan şəkərinin səviyyəsinə təsir edir və zamanla müntəzəm fiziki fəaliyyət orqanizmin insulindən daha səmərəli istifadə etməsinə kömək edə bilər. İdmanla yanaşı, pəhriz və azaldılmış stress səviyyəsi qan şəkərinin səviyyəsinə müsbət təsir göstərir.
Şəkərli diabetiniz varsa, qan şəkərinizin səviyyəsini hədəf aralığında saxlamaq üçün sağlam vərdişlər vacibdir. Bu, qan şəkərinizi tənzimləmək üçün dərman qəbul etsəniz belə kömək edir.
Tərcümə: Könül Oruc
